yeungwk91

本人有出過去大型補習社補過，依家教過好多份私補，當中有苦亦有樂因為呢兩個月，發生左d事，想係度分享下
以下如有得罪，請多多見諒

to 想找私補的同學
要明白私補同大型補習社分別
私補嘅最大好處係可以跟住自己能力同進度而教，同埋可以即使問問題
但係會較貴，同埋質素就比較難保證
大型嘅師資多數都係較高，同埋係exam-orientated
pp較齊
如要私補，最緊要肯問，唔問就好唔抵

to 私補老師(如有得罪，多多見諒)
第一，要知道出面d名師師資係較高，如果要sell quality，就淨係打自己公開試成績或者學生成績，就好
因為最怕就係比人做對比。千奇唔好，打d浮誇嘅野，學生會覺得好做作。
第二，我成日都見。。。補緊d學生成日係度發夢，我同我d學生就係隔離笑。
不要忘記一點就係，大部份日校好悶。如果出到黎補習，都係咁悶，就真係會令到學生無興趣
就算唔搞gag，其實都可以同學生傾下d學校野
eg 我同d學生都傾下佢地前途，有d會講下d感情事，甚至m痛都講😓
同學生嘅關係，最好係亦師亦友
同學生相處嘅時間其實唔少，點解唔當自己識多個朋友呢？
第三，事前準備要充分，唔好成日話下堂答，d學生就會覺得無quali教
第四，要有心教，家長其實睇到。   同埋私補呢d會係一個家長介紹另一個家長

點解想分享
因為我大部份都補得好開心，最大快樂唔係教識一個學生知識，而係改變一個學生
我試過鬧過d學生
一個，就中三，一日打機打2→3個鐘，本身唔係蠢，貪玩
我同佢講，你成日打機開心咩？你唔可以好像小學咁唔生性。。。
講完之後，改好了小小
第二個，有上小卒的，平時上堂，成日講其他野，唔想聽書，懶
我話完之後，改善左好多，以下係我send比佢地message
'麻煩你地無心機學，唔好揾我補，我唔想浪費大家時間。如果平時番學累就星期六/日。之後我唔會幫你地做功課，我唔想講其他野，我淨係想教，我講野嗰陣，唔好搞其他野。
如果你覺得我教得唔好，你可以選擇唔補。
如果再係咁，我唔會再補'

我係熱愛教育，希望呢一篇野可以幫助學生了解私補，同比導師一個參考

yeungwk91

唔係想收學生，依家唔得閒收

chris_wah

有D野我唔太認同,其實有D學生唔想浪費時間, 希望唔好有太多題外話, 如果太多題外話一黎會拖慢進度,2黎就可能會俾人唔太專業....學生亦都未必夠膽講出口....
anyway,要睇下學生係點樣認為啦~  傾下升學果D都幾好既

yeungwk91

係逼住吹水，吹水，吹水