1#
大 中
小 發表於 2014-7-7 10:36 AM (第 3588 天)
顯示全部帖子
你搞清楚係咪真係要入U先,我覺得大部份人為入而入,抱住人有我有嘅心態,U唔係職業訓練所,有興趣先入。你本身無志向,只係浪費時間同精神
如果你打算入,但入唔到,我建議都係打孖嚟,HD / Asso + RETAKE,係retake唔係repeat,不過講到明,辛苦過以前3倍
統計D嚟講,repeat成功率唔高,你唔好聽人地講話repeat易過由HD/Asso入U,又或者佢會幫到你呢D說話,佢只係令你覺得自己將會好掂。實情係好多人repeat都係為啖氣,唔係真係想repeat,其實retake都係,不過個成本低得多
講真,去到9-10月,無論你repeat / retake,都有好多人後悔,去到DSE前連考都唔想考就更多,點解?因為放榜後你覺得自己好唔抵,所以打算重新開始,當無咗呢個衝動之後就剩返壓力,到時你一定後悔點解自己咁多餘
你諗下之前「日讀夜讀」(如果真係咁勤力)都讀唔掂,你花多個幾個月貨仔就得?仲要由頭嚟過?我就唔信你DSE後仲有溫書囉,D嘢隔幾個月先pick up 返,你得唔得?喂!D書又睇過,練習又做過,又係個D past paper,你悶唔悶?D嘢又雜亂無章,你打算點重新開始?每次做返,你又會feel到個種失敗嘅壓力。如果咁你都要繼續,我希望你堅持到
我反對repeat,最多認同retake,我覺得人生總要move on,原地踏步無咩好處,我可以話,出嚟做嘢,讀HD / Asso唔係咩唔好嘅事,你可能會搵到人生目標,亦可能會創造一番事業,點解要規限於呢個考試遊戲?係呢個世界係食腦嘅,唔係只食書嘅!