本區搜索:
Yahoo!字典
打印

[分享] 【學校唔會教你既知識】一部所有中學生都必須睇既片

【學校唔會教你既知識】一部所有中學生都必須睇既片

大家應該知道二次世界大戰,死左幾千萬人。但現代社會有無比二戰更慘無人道既事情發生緊?

好多系現代化農場(工業化養殖場)生活既動物(其數量接近1000億,遠超貓狗)被困係非常狹窄既空間,佢地甚至唔可以轉身,唔可以訓低,唔可以伸展四肢,飽受折磨,仲慘過黑奴。呢d牢籠包括母豬分娩欄,小牛欄,雞籠等等。如果同樣實施系貓狗身上,肯定會被大眾唾棄。但其實豬牛雞等食用動物並唔比貓狗蠢,痛覺亦都唔比貓狗弱。仲未計現代化農場對環境造成既污染,農作物,水資源浪費等問題。





推薦觀看《地球公民》紀錄片,或者會改變你現有價值觀

可以由19:37開始睇,或者32:40
https://open.163.com/newview/movie/free?mid=SFJHDBRDE&pid=GFJHDBRD3

係YouTube睇都得,但有年齡限制


跟住可以睇2樓既post - 常見問題
   

TOP

[隱藏]
Q1.你地或者會問:如果現代化農場對呢d動物造成咁大既痛苦,點解呢種飼養模式會一直存在左幾十年,而普羅大眾卻無動於衷?
原因有好多,肉品行業競爭激烈,加上人口過度膨脹,而密集式飼養既成本比較低(自然肉品價格都會低)同埋佔地較少,唔采用呢種經營模式既農場就會被淘汰。學校/大眾媒體無向公眾展開教育,好多食肉成癮者亦都唔願意理性思考,不斷為自己食肉尋找藉口,都係主要原因之一。

擧個例,連登討論區最多人講既point就係“植物都有痛覺,點解食素就唔殘忍?”
但其實只要上網一search,就會發現呢個論點站唔住腳。
就算科學家真係證明到植物係有痛覺,但動物要長肉佢地都要食植物,而佢地食落肚既植物當中只有唔夠10%既熱量會轉化成身上既肉,即係話食肉人士所殺既植物數量係素食者既10倍以上。

Q2.食素點樣可以幫助動物減少痛苦?
無需求,就無生產。當全世界越來越多人成為素食者,農場動物既數目就會隨之減少。當越來越多既素食者為呢班動物發聲,養殖場既環境就會得到改善。

Q3.香港人自顧不暇,連基本人權都未處理好,仲點樣爭取動物權益?
爭取人權同爭取動物權益無任何衝突,你所需要做既只係盡量減少動物性食品(包括蛋同奶)既進食量

Q4.食素對人類自己有咩好處?
先唔講對健康既影響,黎自基層讀緊書既你,素食可以節省一筆金錢,肉類本身可以由豆製品所取代,而豆製品既價格十分便宜,例如同等重量既腐竹價格係豬肉價格既6成左右,而豬肉所提供既蛋白質只係腐竹所提供既6成(甚至更少),即係話食腐竹所花既錢起碼比食豬肉少2/3!

Q5.人類究竟需唔需要食肉?
至今尚無定論,但係香港人既人均食肉量高居全球第一:每年大約150公斤,遠超身體所需。就算唔選擇食素,起碼應該減少食肉量,并且部分以豆製品取代。

Q6.如果因為各種原因唔能夠食素,仲可以做d乜?
除左減少食肉量之外,可以選擇購買free-range,或者來自以較人道既方式飼養既牌子既肉類/蛋奶類食品,呢個就需要自己去做research。一般價錢越高,飼養方式就會比較人道,而且比較健康。

Q7.除左食素之外,點樣可以為動物權益出一份力?
1. 説服其他人食素(例如開Youtube channel)
2. 成為一名企業家,將部分收入用於捐款
3. 投身於人造肉行業
...

當然,食肉既道德問題至今仍然具有爭議性。雖然主流價值觀認為食肉係符合道德,甚至認為素食者唔應該“干涉”其他人既飲食自由,但其實大部分人都無深入研究過呢個問題,或者只係選擇性去聽一d佢地想聽既説話。如果真心想研究食肉既道德問題,推薦大家睇Peter Singer既《動物解放》一書。

[ 本帖最後由 Manly2020 於 2022-6-23 06:37 PM 編輯 ]

TOP

謝謝介紹

TOP

TOP

TOP

TOP

TOP

TOP

TOP

that is so sad

TOP

TOP

TOP

TOP

TOP

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。