其實google唔會幫到你,你要對比兩者嘅syllabus。讀咩科同將來職業唔會有好大關係。就算有牌嘅專科,都可以讀second degree或者1-2年master補返。最緊要係你自己呢刻想讀咩。
商科最基本要學經濟、金融、會計,其實所謂marketing都係基於呢三大範疇去讀上去。marketing比較多優勢就係識統計方面嘅範疇。但傳理就會係focus係傳播方法。
其實學校要你交嘅唔係正式嘅大學選科,唔需要太認真。加上你有20個choice,可以慢慢諗!
而都要了解下唔同大學嘅特色,例如
HKU:課程自由度高,無乜必修要讀,Major Minor任揀,平均每個學生Exchange最少一次,大部份學生都係讀2個Majors甚至2major 2minor。(可以跨faculty)。例如你入Science,Major 地質&中文,minor 教育&經濟。
CU:書院制,要讀PE、IT,有大學通識(讀古希臘,論語,逍遙遊,演化論等等嘅經典篇章)
Poly:大量Intern,課程較為適用,比較少主修以外嘅學分俾你讀其他野
CityU:將類近學院(School)combine,例如Arts同SocSci,Sci同Engine ,會要求讀School嘅requirement,可以接觸相類學科嘅基礎知識。
LingU BU:主修科唔算多,但通識科佔課程一半又多。其中BU有所謂「大學的價值」、「人生的意義」,PE,IT等等需要讀。語文方面都會有唔少嘅course加強返
而且同一個學科,唔同大學都有唔同情況,甚至可以係好大分別。例如歷史,
港大會分為 中國歷史與文化,歷史,以及一大堆 xx研究。中史會係由中文學院開辦(文史哲不分家理念,唯一設斷代史嘅大學),歷史focus近代史/現代史(大量一二戰研究),美洲史可能由Spanish開辦,航海史由歐洲研究開辦,日本/韓國史都會由日本研究,韓國研究開,仲有greek,thai,arabic等等課程。
而中大歷史以專題史為主,每年開嘅course都會唔一樣。有人鍾意有人唔鍾意。
BU會有東南亞史,另外都有歐洲研究,中國研究兩個學科。
如果有興趣了解多啲,對inbox我