1#
大 中
小 發表於 2014-4-5 09:02 AM (第 3676 天)
只看該作者
點解燈塔要係fb侮辱學生?
相信好多人都有yy fb,最近佢打左篇野評論d學生無理短訊,呢點我認同佢做法。
但我係留言見到燈塔個老闆同幾個名師侮辱學生,真係睇唔過眼。就算中六生無禮,一個幾十歲名師扮d無理學生講野黎嘩眾取寵,覺吾覺自己低b?仲要捉住人地既錯黎狂串人點樣係社會立足吾到同做人有幾差,我睇吾過眼,要做到咁?老師係學生社教化對象,你做呢d低b野侮辱人,學生又成班有樣學樣,你自己諗自己做緊咩。
我係一個燈塔日校既舊制學生。成日話用心教,成日話良心生意,其實做出黎既係好多老師燥底,串官校老師,又話其他補習社買a做打手,日校名師擺款便不用說,甚至補習名師成日批評學生吾識問問題,連d簡單concept都吾識,無論個人平日言行同fb 都滲透串底字眼,就算學生有不足,點解吾係好聲好氣提點人而係選擇串?你成日批評人吾識體諒咁你地又有幾可為一班迷途小羔羊設想,試下理解人地問咩同吾明d咩?
我睇吾過眼,個集團對名師既質素同行為冇一個監督,後生果d又自戀,老果d又串同行學生,甚至早年試過不少日校老師係街外亂請返黎,結果教得太差比全級同學署名炒佢,而事前燈塔係到兜,講埋d咩:善戰者求知於勢勿責於人,結果事實係個老師真係會害到人考公開試,甚至有d班仲要4-5個月內就考公開試先話轉老師。
我覺得就算教得差既人都要尊重,但冇咁大個頭就咪帶咁大頂帽,廣告誤導人,結果日校老師質素連佢地成日踩既官校老師既1成都不如,何況自己衰左既態度仲咁差係到兜。早前counter效率極低比多人投訴又打幾千字批評人吾識體諒
我講講下講其他野關咩事?可以曲線反映名師既人品同集團既運作。的確,近年間野係多人報,我係欣賞某小撮名師既才能,因為真係有料。但整體靠d咩上位?話人買a?踩中學老師?靠幾千個平日比你地班名師高高在上擺款既日校生增加人頭?自己諗。
或者會有人認定自己冇做過我上述講既野,或者冇做過咁多件,咁係因為你地行政吾夠統一,吾知整體係點運作,特別不同岡位人士既態度同人品。
最後我想留低d野比讀者反思,大家留意下賣廣告神化既名師同真係市場領導既名師有咩分別?例如戰積。
話我係打手?得!淨係以通識同英文科為例,補開市場領導既學生留意下,佢地有冇踩過其他人?佢地教你地寫文係每段句同句之間教你有d咩拔尖元素 ? 定好似某人咁淨係比個point同一大壘note範文你睇?
得個多字玩大包圍又係咪意味住對考試制度既不熟悉?將讀書技巧個波拋返比學生?有冇顧及學生既時間足夠?成日曬自己吾夠訓整note又係咪表示自己係新手要不斷調整?攰住整出黎既質素又點?
上述問題冇針對何任補習社同人,大家覺得自己補緊既神人如果吾合乎以上標準我就係話緊佢,我重申,教得好吾好,如果你係有心既係值得尊重,但吾該吾好坐係名師既高地到串學生同其他行家!!!
[ 本帖最後由 綠天uk 於 2014-4-5 09:09 AM 編輯 ]