小卒資訊論壇 - Powered by Discuz! Board

標題: 對於六四事件，人人眾說分云，我該如何自處? (思考題) [打印本頁]

作者: Ronald_Chui 時間: 2009-6-24 09:33 PM 標題: 對於六四事件，人人眾說分云，我該如何自處? (思考題)

「人人眾說分云」，如題。
版主的意思是，每個人的言論某程度上都是偏頗的。我指的不單是支持平反、或反對平反六四言論之意見，還有對「平反」一詞持保留態度人士之意見。

「我該如何自處」，請大家仔細想想。我相信真正的答案，不會於往後的回應中得出。
真正的答案，根本不需言喻。
發帖的重點，乃在於讓大家想想，究竟六四事件對我們這一群生於六四以後的人有何衝擊、有何關係、有何特別。

請大家各自表述，原則和限制，請參版規。

作者: NICKCHUIKAM 時間: 2009-6-24 11:45 PM

64對我來說很陌生也很熟悉
陌生的是我沒有經歷過這件事
熟悉的是我剛網上看過了部份對事情的陳述和各方的意見
OUT OF 64事件來說
感覺上香港的民主派根本容不下其他人的意見
某些人只會不斷地罵中共的不是任何有關中國的東西都是不好的那種
所以我對64的態度是保持中立

作者: neoplayer 時間: 2009-6-25 09:26 AM

引用:

原帖由 NICKCHUIKAM 於 2009-6-24 23:45 發表
64對我來說很陌生也很熟悉
陌生的是我沒有經歷過這件事
熟悉的是我剛網上看過了部份對事情的陳述和各方的意見
OUT OF 64事件來說
感覺上香港的民主派根本容不下其他人的意見
某些人只會不斷地罵中共的不 ...

你這樣是中立嗎?

作者: lokointsi 時間: 2009-6-25 11:31 AM

六四事件要作出客觀評論
相信要等多幾年後

當各份機密文件(包括外國和內地的)解密時才能作正確的分析
重點是要得知當權者下決定的思路和原因

作者: NICKCHUIKAM 時間: 2009-6-25 12:06 PM

引用:

原帖由 neoplayer 於 2009-6-25 09:26 AM 發表

你這樣是中立嗎?

我所指的中立是不對64作出評價ok?

作者: neoplayer 時間: 2009-6-25 06:25 PM

引用:

原帖由 NICKCHUIKAM 於 2009-6-25 12:06 發表

我所指的中立是不對64作出評價ok?

個人覺得美其名叫中立
實際上是迴避
甚至有其他意思

件事都發生咗lo
你避都冇用la

如何自處?中立

作者: lulu9394 時間: 2009-6-25 07:06 PM

引用:

原帖由 NICKCHUIKAM 於 2009-6-24 11:45 PM 發表
64對我來說很陌生也很熟悉
陌生的是我沒有經歷過這件事
熟悉的是我剛網上看過了部份對事情的陳述和各方的意見
OUT OF 64事件來說
感覺上香港的民主派根本容不下其他人的意見
某些人只會不斷地罵中共的不 ...

六四事件可能十至二十年也難平反，二三十年在歷史是很短時間,正如文化大革命也是近年才得到較為確實定論。
香港可以舉行六四集會，我個人認為大陸是隻眼開隻眼閉。不論正反我們有權尋找更多六四資料，可以給我們更加多思維。聽一位書店老板說趙紫陽新書'改革歷程'甚至有大陸軍人購買.(真實程度唔肯定)。
香港的民主派是世界上比較有水準，雖然不是樣樣是合我們心意，看看其他地方近有台灣遠有伊朗常常有暴力出現，８２年香港曾有的士罷駛暴動。近年香港民主派可以舒緩了一部份長民怨，香港少有大型暴力事件發生，甚至社民連擲蕉和粗口事件也受民主派評擊。
國內新一代不斷進步，香港人不像已往優勢。曾經一位商人表示國內硬件比香港好但軟件還差點來比喻香港人的優勢。
珍惜香港僅有言論和資訊自由，給新一代多一些思考。了解香港人優勢，為何招聘香港人而不招聘較平的國內大學生。
大陸給了香港很多優惠，不是國內邊緣化香港，是香港人邊緣化香港？

作者: NICKCHUIKAM 時間: 2009-6-25 07:32 PM

引用:

原帖由 neoplayer 於 2009-6-25 06:25 PM 發表

個人覺得美其名叫中立
實際上是迴避
甚至有其他意思

件事都發生咗lo
你避都冇用la

如何自處?中立

唔答唔評論更加唔中立?
ok,you win
咁點先叫中立?

[ 本帖最後由 NICKCHUIKAM 於 2009-6-25 07:44 PM 編輯 ]

作者: 2010AL 時間: 2009-6-25 09:43 PM

認識歷史, 那一方提供的資料都睇吓
歸納, 才總結出最真實的一面

泛民主派只要一聽見稍和自己見解不同就群起攻之
真相是愈辯愈明, 只懂說對方被洗腦
只懂說歷史不容歪曲又講不出別人如何歪曲

有著和主流不同意見可以怎樣自處?

作者: lulu9394 時間: 2009-6-25 10:41 PM

引用:

原帖由 2010AL 於 2009-6-25 09:43 PM 發表
認識歷史, 那一方提供的資料都睇吓
歸納, 才總結出最真實的一面

泛民主派只要一聽見稍和自己見解不同就群起攻之
真相是愈辯愈明, 只懂說對方被洗腦
只懂說歷史不容歪曲又講不出別人如何歪曲

有著 ...

泛民主派在許多公開場合,大學也公開討論,無謂斷章取義,你這樣說法只怕激發更多無聊對罵

作者: Ronald_Chui 時間: 2009-6-26 12:00 AM 標題: 回覆 #9 2010AL 的帖子

真相是愈辯愈明, 只懂說對方被洗腦
只懂說歷史不容歪曲又講不出別人如何歪曲

有著和主流不同意見可以怎樣自處?

對一觀點有保留。
1) 請舉例說明如果為之「講不出別人如何歪曲」

有著和主流不同的意見，既然今天還容許你在此發聲，消極點說就這樣自處吧。
相信每個堅守真相的人也會找到自處的方式。只是假如你所信的根本站不住腳，也就只可讓時間慢慢把真相揭露吧。

作者: paulpn 時間: 2009-6-26 05:57 PM

引用:

原帖由 2010AL 於 2009-6-25 09:43 PM 發表
認識歷史, 那一方提供的資料都睇吓
歸納, 才總結出最真實的一面

泛民主派只要一聽見稍和自己見解不同就群起攻之
真相是愈辯愈明, 只懂說對方被洗腦
只懂說歷史不容歪曲又講不出別人如何歪曲

有著 ...

非常同意你的說法，當你想以多角度來思考歷史問題時，他們必以道德來批判、打壓你例如九冇人性、冇良知等等，有時覺得他們比共產黨更專制！

作者: lulu9394 時間: 2009-6-26 06:27 PM

[youtube]_GnstsNuOdI[/youtube]

作者: lulu9394 時間: 2009-6-26 06:43 PM

引用:

原帖由 paulpn 於 2009-6-26 05:57 PM 發表

非常同意你的說法，當你想以多角度來思考歷史問題時，他們必以道德來批判、打壓你例如九冇人性、冇良知等等，有時覺得他們比共產黨更專制！

[youtube]TgzW0VMFl-A[/youtube]
有沒有給你們講?可悲還是不知羞恥的說沒給你們討論,上youtube能夠找到相關討論,請不再厚顏無恥

作者: catter_kir 時間: 2009-6-28 01:52 AM

只能說, 六四事件體現了中國獨特的文化.

作者: lulu9394 時間: 2009-6-28 08:32 AM

[youtube]Jpz5eD9L4dA[/youtube]
即使民主派不給你們狡辯,六四便沒有發生,現今科技發達很多事實不能隱瞞,多點慈悲世界便沒有這麼多慘劇出現.

[ 本帖最後由 lulu9394 於 2009-6-28 08:34 AM 編輯 ]

作者: jjnadolf 時間: 2009-6-29 01:48 PM 標題: 回覆 #1 Ronald_Chui 的帖子

感謝版主的議題.

看見一些回覆話[中立], 罵[泛民]逢中必反, 又在另一版話年青人未經歷過無包袱, 真令人[心傷]. 固此, 我也想表達一點[主觀]意見.

首先, 中共方面, 我們肯定中共在六四是用軍隊開槍, 用坦克驅散及濫殺無辜學生, 學生亦從沒反抗 - 只是[走].

其次, 學生的素求很簡單 - 凡貪污, 反腐敗 - 要求問責官員落台, 包括李鵬; 他們藉故哀悼胡耀邦, 上天安門集會示威; 他們以為改革開放應該包括政治方面, 李鵬都有見過他們代表, 趙紫陽都表支持; 但大權在鄧小平呢.
最後流血收場.

這只是表現了中共高壓極權主義, 一黨專政的結果.

我們不要笑中共, 當年台灣[224]事件都一樣, 那才有民進黨的旦生, 他們痛苦不懈的爭取, 台灣才有今天. 今天部分[所謂年輕人], 對自身, 前景, 歷史沒有深入思考, 可能太過[物質化]了. 他們有沒有想到為何[泛民]及很多[有識之士]仍痛苦爭取平反呢, 他們基本上沒有個人利益; 因為執政黨是中共, 他有權, 有財, 有資源可打壓一切反對聲音的; 大家為何不反思今天的國內, 澳門等情況. 為何要安裝[錄霸]呢? 人權呢? 自由呢?(自由行都要審批)

作者: jjnadolf 時間: 2009-6-29 01:56 PM 標題: 回覆 #12 paulpn 的帖子

你聽過[六四媽媽]未呀?

有勞呢你[多角度]反思再解比我地班[蠢]人聽.

(多了一指添)

作者: kkm95mtng 時間: 2009-8-16 08:25 PM

人人眾說分云

作者: leungkk9210 時間: 2009-8-19 12:34 AM

我對64事件既各種說法都尚有保留 ,
第一個說法:我老豆話比我聽係共黨內部權力鬥爭 ,軍頭們利用學生遊行暴動為藉口 ,個個發兵入城"哂馬" ,
而就係因為有D軍頭支持學生 ,有D反對而造成流血殺人事件

(我相信既)

第二個說法:中國官方講既 ,係話班學生被國外勢力利用 ,周街用石頭打人個頭同放火 ,之後學生又出言侮辱D解放軍 ,所以有解放軍用頭盔打到學生個頭爆缸 ,
之後就向天開槍驅散 ,流彈中左幾個 (仲有官員話有坦克炒車炒死左人)

而點解中共做完都冇人敢認呢(都咁多年嚕)? 第二個問題係點先算有力證據?(有既我都未見過= =")
第三個問題係如果第一個說法係事實 ,大大個政府係度 ,佢會唔會因為民眾的壓力而放棄班軍頭執意平反六四呢?

作者: JK6383 時間: 2009-8-19 02:04 AM 標題: 回覆 #20 leungkk9210 的帖子

我覺得論邊方面唔岩係無咩意思咁做的,事件己發生了,事實我都相信慢慢浮現
至少貪污呢個問題,近年己經反映到,淨係奶粉都有2宗事同貪官有關
回正題,我想回應返樓主提到有何衝擊、有何關係、有何特別
提到有何衝擊,不得不提言論,行為上的一些自由,對上唔知幾層,綠霸,呢樣野係中國政府限制
中國網民所得到的資訊,是否包括一些有關民主自由的東西,其實我不太知道,
中國歷代其實有好多政策去限制人民思想,由遠古d,文字獄,近年文化大革命.
香港現時仍可有六四的集會其實己很難得了,這一點自由,我們身為後一代的人真的要珍惜.
可能由於受到英國殖民地的統治下,香港未受共產黨的知識影響,香港人算是幸運的一班人
我們仍能在網上公開發表有敏感性的言論,如我身在國內就未必有機會說出一番話.
這事與我們的關係就係究竟日後民主進程,有受到幾多影響,
至於特別就係,我有興趣研究八九之後,香港人的心態係點,我本身自己屋企就無移民
更不用說,不太知道當中原因,只是從老師口中,得出了一個小結論
-香港人對前景感到不安,未知九七過後,言論自由會變成點,
移民別地方,做二等公民,都總比沒自由好,他們仍可組織自己華人的一班人,相討未來局勢,
當穩定過後,先再決定是否回流
不過上面講得好岩,就現時情況來睇,中央都比左好多優惠香港.

作者: leungkk9210 時間: 2009-8-19 03:54 AM

引用:

原帖由 JK6383 於 2009-8-19 02:04 AM 發表
我覺得論邊方面唔岩係無咩意思咁做的,事件己發生了,事實我都相信慢慢浮現
至少貪污呢個問題,近年己經反映到,淨係奶粉都有2宗事同貪官有關
回正題,我想回應返樓主提到有何衝擊、有何關係、有何特別
提到有何衝 ...

同意

有人話中央比左咁多甜頭益香港係為左比台灣睇中國香港既一國兩制 ,諗落又不是全無道理 ,你又點睇呢?
道家所說寡國寡民有利於統治 ,亦可見一直源用至今 ,在各大公司分公司分部門 ,但香港小小城市擁七百萬人口 ,對統治施政會否更受阻?導致政府「監粗施政」 ,甚至協助中央打壓言論自由以方便施政呢?
講真個句 ,大部份香港人都對前景感到不安 ,97過後也沒好多少 ,既然大陸連綠霸都有 ,香港的言論自由又會否被降級呢?
加上成龍一個「亂」字 ,內地政協一句「需要關注」 ,政協主席一個訪港 ,已對香港造成嚴重不安

[ 本帖最後由 leungkk9210 於 2009-8-19 03:58 AM 編輯 ]

作者: JK6383 時間: 2009-8-19 01:05 PM 標題: 回覆 #22 leungkk9210 的帖子

我覺得比英國佬睇多d...佢地都留意緊的...無啦啦同你管左99年,跟住返返去一個落後,無民主ge社會, 咁到頭來,佢地點對得住香港人先... 雖然著數佢地都拎晒架啦,但係好頭好尾啦..
我諗佢地都唔希望香港變到中國咁...
我不太明白寡國寡民一詞,但分部門,的確係令權力少左
七百萬人口敢說有多少人會關心政治,沒事幹時,大家總是各忙各的,一有大事先懂得來關心
我相信大多人關心政治的,都只是關心對於金融界的影響
小小城市擁七百萬人口,回歸後,其實中央都己有權力理香港,說就說中國不能干涉香港事務,
但香港在很多方面都需要同大陸合作,特首都早己是他們的一只棋子了,
人民說不,但睇中央頭,特首都唯有按本子辦事,監粗施政是沒說錯的.
例子就如雙普選這回事,好像是1988年談到現在了,有實質的方案了嗎?
只是一直拖,一時說2009,接著2012,其後說不行,要2017..一直令那班爭取的人死了,
沒人再提時,就不了了知.
我認為香港的言論自由會否有機會被降,很難說的..
但入境自由顯然己降了,早時有關民運人士入境都被拒絕..
入中國就不行姐,但為何入香港,澳門都不行了..說不通的.
有沒有一些移過民的過來人能分享一下你們當時的心境?
我這個90以後的小孩很想了解.

作者: raul9256 時間: 2009-8-20 01:53 PM

當然要靠自已去分析，唔應該受人影響，不過始終我覺得呢個係大事大非既問題，好難接受果d話向前看既人

作者: anna_ysy 時間: 2009-10-15 05:56 PM

我地都唔係係果個時代生活0既人,唔係好0岩我地去發表意見~
我覺得哩個係一個謎

作者: heman 時間: 2011-6-7 03:27 PM 標題: 回覆 7# lulu9394 的帖子

我諗係大陸利用香港多Ｄ，好似人民幣的離岸中心價值咁，只要人民幣一旦自由兌換，香港一定冇訂企，你睇下廸士尼就知啦。

作者: Potato2139611 時間: 2011-6-7 04:31 PM 標題: 回覆 26# heman 的帖子

其實香港從中國得到既系更多..
問返屋企人就知.. 香港都係70-80年代起飛..(某程度係過份急速)
都係全靠中國種種事情(與西方國家冷戰, 禁運, 及後改革開放)
至於你想提及既人民幣的離岸中心.. 其實只系互利關係.. 大家都有得益
中國宜家其實已經發展得吾錯.. 對香港既依賴程度系愈黎愈少..
(關於十一五規劃沒有把香港納入統籌計畫, 而明確指要把上海發展成世界金融中心)
當時香港人普遍感到失望(最少報章都是這樣說).. 因為這無法惠及香港經濟..
中國政府話: 中國冇吾承認香港既金融中心地位, 而係中國要發展, 就要更多更多既頂尖金融中心..
如果有關心香港前景既, 可以睇下07年經濟日報出版既《香港．醒醒》, 系講香港各項產業已經係黃昏工業, 而香港人既自信如果一直保留, 經濟可能會lum..
又吾好話經濟日報出既就系親商家.. 用平常心睇..
其實香港人有非物質上既追求, 系基於香港自身既物質層面已經夠豐富(就普遍性而言,不是著眼點).. 如果下一代.. 因為宜家呢一代[過份偏激]既舉動(*必須及指明為過份)令香港經濟地位不保/下沉.. 其實大家都冇嬴到..
社會同歷史其實只系一個循環.. 我個人覺得要做好自己.. 就系可以獨善其身, 為自己既理念而行.. 其實就可以..
有時你見到d人乞人僧(同自己既價值觀吾同) 其實何必動怒? 歷史/時間會俾任何一樣野一個公道同證明

作者: 三少 時間: 2011-6-8 08:58 PM

對六四事件我真係唔知講乜好...我覺得作為中國人好慚愧

作者: WUNPYY 時間: 2011-6-9 12:52 PM

1,第一次聽到64時請自己去搵片睇唔好理任何人講乜(咩美國係原兇etc)
2,睇完要相信自己自己睇到咩就信咩
3,唔好咁懶搵多d資料

作者: WUNPYY 時間: 2011-6-9 01:11 PM

引用:

原帖由 **txt 於 2011-6-7 04:31 PM 發表
其實香港從中國得到既系更多..
問返屋企人就知.. 香港都係70-80年代起飛..(某程度係過份急速)
都係全靠中國種種事情(與西方國家冷戰, 禁運, 及後改革開放)
至於你想提及既人民幣的離岸中心.. 其實只系互利關係.. ...

個人完全唔同意你既睇法
第一我認為中國只當香港係一個學習既地方
學完所有我地好既地方之後就設法令自己既重點城市起飛(上海)
就好似我地既國際機場
第二我諗某程度上70-80年化經濟起飛唔關"強國"事
一個小漁村發展成國際大都市係由英國殖民管治,
ICAC都係由佢地設立
而且冷戰關咩事?(可能我唔識野請說明)
改革開放係令中國自己本身經濟起飛對外開放簡單來講就是讓外資到中國來投資
中國梗係對香港既依賴愈黎愈少喇除左D正常奶粉呀個D囉

佢仲想拎埋香港既旅遊業TIM^^^^
不過好可惜國民的教育水平官員貪污令到佢挫折重重
中國發展得好唔代表香港發展得好
第三何謂過激行為?
如果你指遊行示威的話我絕對絕對覺得你唔配為一個學生
第4 當你講歷史.時間我覺得最好笑
64距今22年, 不知何時才能為他們平反還他們一個尊重
而不是只不斷國民教育

[ 本帖最後由 WUNPYY 於 2011-6-9 01:14 PM 編輯 ]

作者: heman 時間: 2011-6-9 10:12 PM

不管哪些資料，開鎗射殺平民同學生，肯定唔啱！如果唔係，出咗事之後，一連五日，都冇一個官員講野，連美國都話，想與中方聯絡都冇人肯招呼接觸。就知乜野事啦！

作者: heman 時間: 2011-6-9 10:15 PM

＜補充＞　到最後（五日後），只有一個叫袁木嘅人，出黎話只係死咗廿三人，所以佢個花名就叫做袁廿三。

作者: leo070841 時間: 2011-9-21 08:40 PM

不要去想,已經成了過去

作者: GOD'SGRACE2011 時間: 2011-10-4 02:33 AM

六四不是兩極化的表述, 不是一場惡鬥, 不是你啱哂我錯哂的是非題, 我覺得六四化表了一種人對理想的尋求, 它帶來的啟迪和引起的討論祝福了許多人。
沒有感動, 就不用表態, 不用想自己點企位, 自由正正是容許思考, 容許掙扎, 容許惘然, 而不是迫你去取捨

作者: id55556 時間: 2011-11-22 10:05 PM

我覺得其實可以集思廣益...
將64 既背景,始末等好好搜集...再加以理解...
再思考下自己真正覺得應站在那個立場(正,反,中立)

歡迎光臨小卒資訊論壇 (http://www.lsforum.net/board/)