我諗你個條題目難係在於你點幫佢分時期,因為題目要求追溯並解釋日本與其他國家既關係,但係日本同唔同地區國家之間既關係都唔一樣,而且日本與非洲、歐洲、北美洲、南美洲等國既關係都唔係係課程以內,所以正常黎講,公開考試好少機會會甘樣問既,我諗問題應該係「追溯並解釋二次大戰後日本與亞洲其他國家的外交關係。」
你可以由一開始(二戰結束之後)開始諗日本同其他國家間既關係啦,而二戰岩岩結束,日本同其他國家既關係都仲係好差,好似亞洲既大部分國家對日本亦都抱有好大既怨恨,甘你可以視呢個階段為日本與其他國家間既「惡劣期」。
跟住你又諗下呢個關係去到幾時開始冷卻呢?可能就係1952年簽訂既《三藩市條約》之後,日本向其他國家作出賠款,之後日本亦都與中國、東南亞等既國家開始恢復經濟貿易同建立正常外交關係,好似係1952年同中國簽訂《第一次中日民間貿易協定》、1965年同南韓建立正式外交關係等,甘你可以視呢個期間既關係係「冷卻期」和「緩和期」。
之後,你要再考慮一下日本同其他國家既關係有冇進一步友好or轉而惡化,可能就係1977年福田赳夫既「福田主義」,福田強調要發揮和平外交,希望加強與東南亞國家既合作,之後日本積極加強同其他國家建立更緊密外交關係,例如中曾根康弘於1983年出訪南韓及1984年出訪中國,並向中國提供達4,700億日元既貸款,另外,日本又積極援助亞洲國家,令日本係1991年對外開發援助金額超越美國,成為全球第一大援助國,甘你就可以視呢個時期既關係為「友好發展期」。
大致上,你從上面可以劃分到「惡劣期」(1945-51)、「冷卻期」(1952-1976)、「關係友好期」(1977-1999)。其實係後面仲可以作一個更仔細既劃分,但就住新高中既程度黎講唔需要亦都可以,甘樣處理會比較清脆利落d。
你可以睇返我上面上傳個個檔案,之後再學返追溯並解釋題個寫法啦,至於解釋方面其實一d都唔難,你可以自己試下搵下因素。
其實只要按部就班,一步一步睇清楚日本同其他國家之間既關係發展,要做呢條題目其實一d都唔難,你或者可以重新試下按住附件既做法去做一次啦