本區搜索:
Yahoo!字典

投票項目 ( 單選 ) 參與人數 146

1. 唔應該
2. 應該
打印

梁振英應唔應該落台

梁振英應唔應該落台

梁振英近來都偏幫窮人唔理中産死活 又一時偏幫商人
我都唔知佢做行政長官做乜
   

TOP

[隱藏]

冇分別

冇真普選
上上落落其實都係同一班人



TOP

好,先唔講佢既施政。
睇下佢面對今次佔中既態度,強硬,不妥協,
點解一個政府面對一次咁大型既示威活動只係識得表示遺憾同指責?
點解唔可以同民眾對話?而係指責示威者係暴力既象徵
點解可以容許警方出動過分武力eg胡椒噴霧,催淚彈etc?而唔係命令警方使用合理武力?
點解佢身為香港特首,唔盡力向中央遊說,反而官腔地,一面倒地支持中央既決定?
佢身為特首,即使唔係香港人選出嚟,如果佢真係有心解決中港矛盾,點解唔為港人發聲?
佢身為特首,如果唔可以滿足大部分市民對普選既意願,點解唔落台?

TOP

我有親人係警察,點解成日話警察過份武力,唔通舉高雙手等激動嘅人群匆過來全部人受傷先啱?警察用催淚彈,咁係想最少人會受傷。
梁振英未做特首,就一直有人反對,做乜都唔啱,都無比機會佢做野
政府傾政改嗰陣,點解無人聽,一定要自己嘅一套,用示威逼政府,唔好唔記得都有好多人反佔對示威的

TOP

回覆 33# happies 的帖子

通舉高雙手又點受傷?你明唔明點解反對佢先?因為佢做既野,e.g.準備落實rigid universal suffrage framework!傾政改?傾完咪又係個一套假民主
你甘心受控於共狗,你可以選擇返大陸,同埋你個policeman親戚

TOP

引用:
原帖由 happies 於 2014-9-30 11:35 AM 發表
我有親人係警察,點解成日話警察過份武力,唔通舉高雙手等激動嘅人群匆過來全部人受傷先啱?警察用催淚彈,咁係想最少人會受傷。
唔好混淆視聽,警方係有長盾牌,大可以盾牌陣強行控制民眾退後。但係示威者有咩?真係聽班警察講用把遮打到啲警察受傷?
如果啲遮咁大殺傷力,咁點解警察唔用遮去阻止示威者?政府限制遮既買賣?
點解話係過分武力,係因為示威者冇攻擊性武器,同埋冇攻擊警察既意圖下,警察使用催淚彈先畀人詬病啊。
你睇下香港對上一次用催淚彈係幾時?係05年南韓農民嚟香港示威既時候,對比當時既示威者,唔通你都覺得宜家哩班佔中示威者需要用到催淚彈?
引用:
梁振英未做特首,就一直有人反對,做乜都唔啱,都無比機會佢做野
政府傾政改嗰陣,點解無人聽,一定要自己嘅一套
邏輯唔啱,梁振英之前既特首有人反對,同梁振英要落台係兩回事,唔可以混為一談。
點解宜家要反梁振英係因為佢強硬既態度,唔肯對話,做唔到特首作為中央政府同香港市民溝通既橋樑,一味剩係識得上傳下達。
梁振英最初擔任特首既時候,佢落街個陣有幾多人支持佢?個個讚佢聽人講嘢個陣肯抄低啲重點,真係有心做好哩份工。
睇返港大民調佢一開始評分係好高。
但係宜家見到既係佢唔肯面對示威者,只係識得指責示威者,而唔係聽取佢哋既聲音。
政府推動政改個陣點會冇人聽,政府推出諮詢,就係要收集不同意見,點解宜家要話“一定要自己嘅一套”?
你係咪真係清楚點解要佔中?同政府政改既過程?
簡單嚟講,特首係由「選舉委員會」投票選出嚟,而選舉委員會入面得1200人,但係中央就話,雖然得1200人,但其實哩1200人係香港是「具有代表性」,
因為哩1200人係嚟自香港唔同既行業。但請你睇下哩1200人係由幾多個人選出嚟?
係由約25萬產業「有關」既香港人選出嚟,佢哋係咪真係代表到香港人?最起碼,你,有冇得選擇?
宜家政府既政改如果推動到最後,咁有咩改變啊?
答案就係:
政改前:由1200個人,佢哋自己選。
政改後:是1200個人,他們自己選。選好了,我們再「一人一票」選。

宜家佔中就係要反對哩個所謂「有廣泛代表性」既「提名委員會」啊
引用:
用示威逼政府,唔好唔記得都有好多人反佔對示威的
佔中唔係一朝一夕既事,已經係商討咗好耐,中間都同政府洽商過政改有冇得讓步(即係有冇得接受部分建議),
但係政府強硬否決,一味推個波畀人大,話人大決定,特區政府冇得say no,話有法律根據。
佔中唔係必定發生。而係經過咁長時間,咁多既事情,最後最壞打算先出現佔中。
係政府唔聽取民意既副產品。
反對示威冇問題,但係最重要係明白點解對立者背後所堅持同追求既意見同想法。
唔係鬧擾亂秩序,而係嘗試明白點解人哋要行到哩步。
如果商討有用,殺雞焉用牛刀呢。

TOP

引用:
原帖由 firoazen 於 2014-9-30 11:53 AM 發表
通舉高雙手又點受傷?你明唔明點解反對佢先?因為佢做既野,e.g.準備落實rigid universal suffrage framework!傾政改?傾完咪又係個一套假民主
你甘心受控於共狗,你可以選擇返大陸,同埋你個policeman親戚
沒傾過就話人假,咁算唔算Rigid? 唔同意見就係甘心受控於共狗, 不能住在香港?

TOP

引用:
原帖由 happies 於 2014-9-30 01:00 PM 發表


沒傾過就話人假,咁算唔算Rigid? 唔同意見就係甘心受控於共狗, 不能住在香港?
資料我就唔再幫你搵啦,你係真係想知有冇傾過,就自己睇返新聞查證啦,哩啲嘢冇得呃人。
有傾就有傾,冇傾過就冇傾過。宜家哩個資訊發達既時代,冇得再以訛傳訛咖啦

TOP

引用:
原帖由 Mr.Miss 於 2014-9-30 12:49 PM 發表


唔好混淆視聽,警方係有長盾牌,大可以盾牌陣強行控制民眾退後。但係示威者有咩?真係聽班警察講用把遮打到啲警察受傷?
如果啲遮咁大殺傷力,咁點解警察唔用遮去阻止示威者?政府限制遮既買賣?
...
唔好混淆視聽
第一,唔係每個情況,警察都有長盾牌,普通軍警無,就算有盾牌,被人沖激,都一樣會有人受傷
第二,有警察被遮整到受傷是事實
第三,殺傷力唔單只喺遮,係沖激嘅人群(唔好話遮,有心襲擊人,用筷子或叉都得,咁喺咪要限制埋?)

TOP

引用:
原帖由 happies 於 2014-9-30 01:16 PM 發表


唔好混淆視聽
第一,唔係每個情況,警察都有長盾牌,普通軍警無,就算有盾牌,被人沖激,都一樣會有人受傷
第二,有警察被遮整到受傷是事實
第三,殺傷力唔單只喺遮,係沖激嘅人群(唔好話遮,有心襲擊人,用筷子或叉都得,咁喺咪要限制埋?)
第一,請你認清實際情況,係警方出動防暴警察,先話用盾牌阻止示威者活動。退一步講,冇出動防暴警察,係示威現場既警察全部有戴頭盔,有鐵馬放前阻止示威者前進。
即係話,佢哋有足夠資源保護自己,但係示威者有乜嘢可以保護自己?除咗用遮去阻擋係前面警察用胡椒噴霧之外,佢哋仲有咩辦法去抵擋?
靠個啲單薄既口罩?有盾牌發生衝擊,冇錯,好似你咁講,有盾牌發生衝擊,都會有人受傷,但請你真係用一用腦先再講邊一面受傷機會大。
根本就好似人同牆互撞一樣,邊個會痛?人,定係牆?

第二,你講得啱,係畀遮整到,但唔係示威者用遮攻擊警員,如果係,今日個個助理處長張德強出嚟交代既時候就唔係用個人角度去判斷“有啲有雨傘,係好有準備而嚟,相信嚟嘅目的都係要衝擊防線”
而係直接指出有示威者用遮攻擊警員。再深入啲講,點解警員會畀遮“整”到?留意示威現場,警員對面前用遮阻擋既示威者用胡椒噴霧驅趕,一邊噴,一邊扯奪示威者既遮。
然後向後扔。你覺得有冇機會係因為前面警員咁樣做誤傷後面警員?

第三,請問點解話示威者係激進既人群?佢哋冇攻擊警察,冇燒車胎,冇搶劫,只係靜坐,只係唱歌,請問點樣激進?
點解會話遮有攻擊性,係因為助理處長張德強出嚟開記者會個陣講遮係有攻擊性,但係示威者係用遮去阻擋,去防禦胡椒噴霧,點解反指遮係有攻擊性?


同埋如果可以,可以回應埋我其他意見

[ 本帖最後由 Mr.Miss 於 2014-9-30 02:13 PM 編輯 ]

TOP



未睇到呢張相,我都未試過咁憤怒,
對住手無寸鐵的年輕人使用可以令人致死的暴力,
一個膝部壓落人條頸到,癡X線 !

班「香港公安」真係好享受殘虐和平的示威者,
事後必定追求呢班行使暴行的「香港公安」

http://hk.apple.appledaily.com/realtime/breaking/20141018/53031460

TOP

其實老實講佢上台落台我覺得冇咩分別
係要交稅養多條腸粉咁

TOP

每個人既立場都唔同 好難講

TOP

回覆 2# jackychcwh 的帖子

NO
彭定康個時
話說宜家D發展計劃咁耐都無上馬

TOP

CY僭建犯法 收五千萬又犯法
加上民望長期處於低水平
唔落台仲可以點?

[ 本帖最後由 roy35121 於 2015-2-5 12:46 AM 編輯 ]

TOP

下個做咪又係咁?
自學英文無難度!Learning English ON YOUR OWN!
Autodidact 自學者

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。