本區搜索:
Yahoo!字典

投票項目 ( 單選 ) 參與人數 282

1. 應該
 

243 (86.17%)

2. 唔應該
 

31 (10.99%)

3. 唔識6.4
 

8 (2.84%)

打印

大家認為六四應否平反?

大家認為六四應否平反?

大家都係學生
應該要有批判精神
所以你覺得六四係唔係要平反呢?

[ 本帖最後由 Ronald_Chui 於 2009-6-15 01:49 PM 編輯 ]
   

TOP

[隱藏]
我個人支持平反
btw,你條問題set到唔平反唔得

TOP

回覆 #3 October3rd 的帖子

「應唔應該」e條問題係假定左6.4係一件可以平反ge事,
咁係e個大前題下, 當然係100%需要平反. 試問邊度會有可以平反但唔應該平反ge事? 錯, 就要認嘛.
所以係set問題ge角度黎講, 的確e條問題問得唔係太好.

但e d係問問題ge技巧, 相信樓主應該冇諗得咁深入ge =] 大家都明白的話就唔需要咁執著~

TOP

六四一定要平反...
記得當年響電視睇到, 雖然好片面, 但係已經好難過...由胡耀邦過身o個日, 日日都播...最後好多響電視出現過o既全部變晒烈士...
二十年...都係歷歷在目...

TOP

6.4 係悲劇,我承認,但係我認為沒有必要平反...(個人意見)

TOP

唔可以唔平分....韓國光州事件都已平反, 並開始賠償...
光州屠城死左幾百人, 六四仲恐怖死成二千人...不過兩單野都係悲劇...

不過都急唔黎, 點都好韓國都係民主政體, 同共產黨專制政治唔同...要平反, 要黨大老承認偉大既小平同志犯錯, 可能等我都老死都未等到....而家國內都未有人敢批判毛主席啦. 大躍進餓死三千幾萬人, 劉少奇批判毛主席, 最後毛搞文革禍國, 劉少奇都收埋檔. "批判中國的神"係無人敢做. 以前既毛, 六四既鄧李楊, 都係一樣.

TOP

邊個投唔應該平反??的出黎鬧下

TOP

可能係問題set得唔夠好ge(本人只是一個無名的中六仔)
六四呢件野對我地呢班80同90後ge人黎講
無疑係會無咁能夠深刻咁感受到六四
我都只係係老師口中得知其一二

我自己覺得六四係有必要平反
由學生ge出發點只係想反貪腐
但係政府無理佢地就清場
個陣李鵬仲要話
點解用實彈?因為冇橡膠子彈lor
呢個真係令我好火

當然我亦都無話學生一定啱
個陣有人放火燒巴士...會唔會係學生做呢?

TOP

今日睇左半套天安門...
大家可以睇下,,可以知多d 64

TOP

當然要, 而且對黨同人民都係一件好事
題外話
點解共慘黨咁慘呢?
試想, 有一日共產黨話: 係我地錯, 我地承認, 不再歪曲史實, 大家仲可以理性去討論
我諗全國人都衝哂上街, 舉國歡呼慶祝
再冇第二的國家敢話中國衰

TOP

提示: 作者被禁止或刪除 內容自動屏蔽

TOP

回覆 #13 origion 的帖子

我唔係話學生冇做錯,,,
不過係唔係就錯到要用實彈先....
其他唔得咩

TOP

平反就一定要, 但係等everything has come to a conclusion 好d

TOP

提示: 作者被禁止或刪除 內容自動屏蔽

TOP

每個人都有發言權, 唔好再講: 唔贊成平反者要比人鬧或打. 我地o係民主社會生活, 呢個版亦唔係共產黨控制.

除左當日響廣場者, 無人知道發生咩事. 如果你地認為當年學運領袖而家出黎講野唔夠持平, 相信亦只好交比幾十年後既歷史學家, 從史料裡分析評論.

我比大家虛長十幾年, 九零年我去過第一次燭光晚會. 八九年響新聞同報紙睇到屠城經過, 但由於好多報業同仁怕大陸會清算, 有D同大陸有生意關係, 所以一定無外國媒體咁精彩 . 我舊老闆當年響澳洲連大學教授都delay畢業試, 比中國學生抒發心情. 根本上並唔係一個人既說法, 係全港當日睇過段新聞既人都會好難過. 全香港所有明星都出來支持....除非世界各大媒體一齊整段假片啦....

防暴行動唔可以真槍實彈係國際常識. 泰國示威, 軍隊都唔可以見人就殺, 而且要盡量克制, o個D暴民肯定比當年六四學生粗暴好多.  我點解響上面引用光州事件, 係因為現代史家覺得兩者有相似之處. 無論成因係點, 屠城就係唔o岩. 平心而論, 場係要清o既, 國家唔可以無止境咁比示威者拖垮首都; 但係使用過度武力, 用埋坦克同機槍就唔可以接受.

光州事件已經平反, 當然負責人仍然查得不清不楚. (雖然我覺得係全斗煥做).

當年中共高層明顯就係怕群眾運動太勁, 真係會形成反勢力, 咁老人政治要提早玩完. 共產黨當年就係靠土改同農民運動起家, 奪得天下. 鄧楊呢D大老唔會唔知, 而且好驚. 終於因為神經崩得太緊, 下左呢道命令, 釀成慘劇.

當年鄧老明顯無考慮學生, 工人對國家有貢獻, 所以殺不得. 中共歷來領導層都將呢樣放響第一位, 有既話中國都變左開明國家啦. 而家都多學生都好片面地認為鄧老一定係o岩o既; 的確佢係經濟改革o既搞手, 但唔代表佢無做錯. 當年趙紫陽亦曾經係攻擊目標之一. 甚至周恩來亦未必係完美o既政治家, 但我地一般認為佢係中共史上最優秀o既領導者; 我地亦大多給予鄧小平正面o既評價.

當年係落左命令可以開槍, 要平亂; 坦克車同正規軍都係楊尚昆由吉林調入北京. 軍人要守軍紀, 唔可以反抗. 群情洶湧, 示威者有時真係好難按捺自己. 所以點解防暴者唔可以荷槍實彈, 因為睇到咁o既情況, 防暴者自己都好難按捺得住.

或者左派學校唔係咁教學生. 但你地身在香港, 無論係左派右派定教會學校出黎, 最好都要睇下正反兩面, 自己分析. 親共者自己要批判下自己, 右派人士都係一樣.

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。