陳振聰：入獄都會好光榮 偽造遺囑案周五提堂 自詡昂山素姬
【明報專訊】陳振聰涉嫌偽造遺囑的刑事案件，將於本周五在東區法院再提堂，由於爭產案已告一段落，預料案件會從速進行，陳如無意外將要到高等法院接受陪審團審訊。被問如何預測案件結果，陳說﹕「我唔覺得可以將我定罪，因為我根本無罪」，更自詡諾貝爾和平獎得主、緬甸反對派領袖昂山素姬，「如果真係要坐監，我相信我係全香港唯一嘅政治犯，入到監獄都會好光榮」。
「我係香港唯一政治犯」
已於爭產案終極敗訴的陳振聰，早前在四季酒店四季匯的服務式住宅接受本報專訪。感冒初癒的他一開首便說「我百分之一百無偽造過」，又指整件事「好似一個劇本，開始至結尾已寫好」，明言不再相信司法和公義，「我相信我係香港唯一嘅政治犯，入到監都會好光榮……因為要律師司長同咁多法官共同寫一個劇本，你可以鎖得住我肉體，但鎖唔住我靈魂，到時大把時間寫回憶錄，政治犯不會覺得自己坐緊監，昂山素姬唔會覺得自己坐緊監」。
陳振聰早前接受電台節目訪問，一心想為自己「解畫」，詎料聽眾只將他罵得狗血淋頭，令他大惑不解，「其實佢哋點解咁憎我？如果話我將同龔如心嘅關係公開，咁係鬧得好，但當時係畀啲律師逼到埋牆角……我有遲疑過……但就無想過會（令自己）咁乞人憎，只有想過對家庭會唔會唔好……但律師話前文後理都要講，要合情理，結果講咗真相，但大家就唔啱聽」。
子女戲稱「as stupid as pig」
不只陳振聰對入獄有心理準備，3名子女對父親或身陷囹圄也看得很開，「佢哋講笑，話點解Auntie Nina（龔如心）咁trouble（麻煩），畀個trouble will（麻煩的遺囑），create trouble story（製造麻煩事）」，又指父親「ASAP（原解作as soon as possible即盡快），即 as stupid as pig（像豬般蠢）」。正在加拿大就讀英屬哥倫比亞大學的長子Healthee則安慰父親：「坐監都無法，你innocent（無辜）㗎嘛，坐監我咪嚟探你囉。」
妻子譚妙清則一貫硬朗，陳振聰坦言未見過她因擔心自己而流淚，最多叫他「自己搞掂佢」，「我知道佢心情好矛盾」，但有時妻子也會鼓勵他「順順利利」。
盼龔家執行龔如心遺願行善
雖然繼承龔如心千億遺產成泡影，但陳振聰說若有機會實現龔如心遺願，會極力阻止龔仁心等人參與華懋業務，把所有資產包括華懋集團變賣套現，然後立即用作行善，捐往內地山區農民及兒童，因這是龔如心生前說過的。「我無擔心過生意，因為我唔會繼續做華懋嘅生意，華懋九成以上係物業資產，好價就賣咗佢，好易處理」。但事與願違，現在只能空談，他希望龔家會執行龔如心遺願，又說「天地有正氣好易做啫，一陣就做完。」
陳振聰早前先後委聘資深大律師清洪及郭兆銘代表後，較早前再找來資深大律師金力生。控方表示將依賴民事遺產案的證人供辭，包括有份簽署遺囑的證人，陳一方則會就筆迹及指模等科學鑑證找專家證人。
陳振聰面對兩項控罪，首項偽造罪指他於2002年7月28日至2007年11月16日，製造一份日期為2006年10月16日的龔如心遺囑。另一項使用虛假文書控罪則指陳於2007年11月16日，使用一份明知虛假的龔如心遺囑。
陳振聰自呢單CASE開始已經受人唾罵 唔知佢既面皮到底有幾厚!!!
離譜既在於佢自稱比得上係昂山素姬
!
